پارێزگاری هەڵەبجە داوا دەکات 300- 500 کەس بۆ قەزای خورماڵ دابمەزرێنرێن

ئاڤا دیجیتاڵ

 

پارێزگاری هەڵەبجە داوا دەکات 300 بۆ 500 کەس ئەگەر بەشێوەی گرێبەستیش بێت بۆ  بۆ قەزای خورماڵ دابمەزرێنرێن. 

وێنە گەورەکە: دوای ئەوەی دانیشتووانی خورماڵ داوای بەقەزاکردنی ناحیەکەیان کرد، سەرۆکوەزیران بارزانی فەرمانی بە وەزارەتی ناوخۆ کرد کە بە هاوئاهەنگی لەگەڵ پارێزگای هەڵەبجە، دەست بە ڕێککارە کارگێڕییەکانی بەقەزابوونی خورماڵ بکەن، لە چوارچێوەی ئەمەش داوای دامەزراندنی سەدان کەس بۆ قەزاکە دەکرێت. 

لێدوانی فەرمی: لە کۆنگرەیەکی ڕۆژنامەنووسیدا کە بەمەبەستی بەرەوپێشچوونی ڕێککارە یاساییەکانی بەقەزابوونی خورماڵ سازکرابوو، ئازاد تۆفیق، پارێزگاری هەڵەبجە داوای کرد بەشێوەی گرێبەستیش بێت 300- 500 کەس بۆ قەزاکە دابمەزرێنرێن. 

لەلایەکی دیکە: هەرێمی کوردستان بەشێکە لە عێراق، پێویستە حکومەتی عێراق کێشە سیاسییەکانی نەبەستێتەوە بە کەیسی مووچە، هاوشێوەی پارێزگاکانی ناوەڕاست و باشووری عێراق شاییستە داراییەکانی هەرێمی کوردستان دابین بکات.