باقری لە سلێمانی چی بە حزبەكان گوتووە؟

ئاڤا نیوز

ئەمڕۆ عەلی باقری، سەرپەرشتیاری وەزارەتی دەرەوەی ئێران سەردانی سلێمانی كرد و لەگەڵ حزبەكاندا كۆبووەوە.

ئەوەی پێویستە بیزانیت: عەلی باقری لە كۆبوونەوەكەدا بە حزبەكانی گوتووە:"ئێران ڕشدە لەسەر ئەوەی ئەمساڵ هەڵبژاردنی پەڕلەمانی كوردستان ئەنجامبدرێت و هەروەها هاوكاری و یەكدەنگی هەبێت سەبارەت بە غەززە".

زانیاریی بەدەستهاتوو: بەپێی ئەو زانیاریانەی دەست كاروان ڕەحمان پەیامنێری ئاڤا نیوز لە سلێمانی کەوتوون: "سەرپەرشتیاری وەزارەتی دەرەوەی ئێران گوتویەتی "دەبێت ئەمساڵ هەڵبژاردن بكرێت وسەرجەم لایەنەكانیش بەشداربن لە هەڵبژاردنەكەدا".

ئەوەی ئێستا ڕوودەدات: ئێستا سەرپەرشتیاری وەزارەتی دەرەوەی ئێران لە سلێمانییە و لەگەڵ لایەنە سیاسیەكاندا لە كۆبوونەوەدایە.