عەلی باقری و بافڵ تاڵەبانی باسی چییان كرد؟

ئاڤا نیوز

سەرۆكی یەكێتی و سەرپەرشتیاری وەزارەتی دەرەوەی ئێران كۆبوونەوە، باسیان لە بەهێزكردنی پەیوەندییە ئابوورییەكانی نێوان هەرێمی كوردستان و ئێران كرد.

ڕاگەیێنراوی فەرمی: لە كۆبوونەوەكەدا،" دۆخی سیاسی، ئابووری و ئەمنیی هەرێمی کوردستان، عێراق و هەماهەنگی و دیالۆگی جددی نێوان هەردوو حکومەتی هەرێمی کوردستان و فیدراڵ بەئامانجی چارەسەرکردنی پرسە هەڵپەسێردراوەکان لەسەر بنەمای دەستوور دووپاتکرایەوە بەشێوەیەک دادپەروەری و هاوبەشیی راستەقینە".

زانیاریی زیاتر: "کۆماری ئیسلامیی ئێران لە بونیادنانی عێراقی نوێ و پەیوەندیی دۆستانەی  لەگەڵ هەرێمی کوردستان بەگرنگ دەبینێت و ئێران پابەندە بەو پەیوەندییە بۆ پاراستنی سەقامگیر و گەشەی ناوچەكە". لە ڕاگەیێنراوی كۆبوونەوەكەدا ئەوە هاتووە.

وێنە گەورەكە: شاندێكی باڵای كۆماری ئیسلامی ئێران بەسەرۆكایەتی عەلی باقری سەرپەرشتیاری وەزارەتی دەرەوەی ئێران سەردانی عێراق و هەرێمی كوردستانی كرد و لەگەڵ سەرۆكی هەرێمی كوردستان و سەرۆكوەزیران بارزانی و سەرۆك بارزانی كۆبووەوە و دواتر سەردانی سلێمانی كرد و لەگەڵ جێگری سەرۆكوەزیران و سەركردەی بەشێك لە لایەنە سیاسییەكان كۆبووەوە.