پێشبینی دەکرێت زیاتر لە 300 هەزار گەشتیار ڕوو لە هەرێمی کوردستان بکەن

ئاڤا نیوز  

دەستەی گەشتوگوزاری هەرێمی کوردستان، پێشبینی دەکات لە ڕۆژانی جەژنی قوربان زیاتر لە 300 هەزار گەشتیار ڕوو لەهەرێمی کوردستان بکەن.

وێنە گەورەكە: لە جەژنی رەمەزانی ئەمساڵ 203 هەزار گەشتیار سەردانی هەرێمی کوردستانی کردبوو، بەڵام بەهۆی بەرزبوونەوەی پلەی گەرمی و دەستپێکردنی پشوی خوێندن پێشبینی دەکرێت ژمارەی گەشتیاران لە جەژنی قوربان زیاتر بێت.

لێدوانی فەرمی: ئیبراهیم عەبدولحەمید، گوتەبێژی دەستەی گەشتوگوزاری هەرێمی کوردستان بە ئاڤا نیوزی ڕاگەیاند: لەگەل لایەنە پەیوەندیدارەکان بەتایبەت وەزارەتی ناوخۆ و ئاسایشی بازگەکان هەماهەنگی تەواو کراوە بۆ پیشوازی لە گەشتیاران و ئاسانکاری لە هاتووچۆکردنیان.

باكگراوند: لە هەرێمی کوردستان سێ هەزار و 100 شوێنی گەشتیاری هەن، لە رۆژانی جەژن کراوە دەبن و پێشوازی لە گەشتیاران دەکەن.