سەرۆكوەزیران بارزانی : هیوادارم جەژن ببێتە هۆكاری باشتربوونی دۆخی دارایی

ئاڤا نیوز

 

سەرۆکوەزیران بارزانی بەبۆنەی جەژنی قوربانەوە پەیامێکی بڵاوکردەوە، هیوادارە جەژن ببێتە هۆکاری باشتربوونی دۆخی دارایی و گوزەرانی خەڵک.

 

پەیامی فەرمی: سەرۆکوەزیران بارزانی ڕایگەیاند: "ئومێدەوارم جەژن ببێتە مایەی شادی و خۆشگوزەرانی و باشتربوونی دۆخی  دارایی و گوزەرانی خەڵک و  سەقامگیربوونی ئاشتی و ئارامیی لە جیهان، گەشەسەندنی زیاتری تەبایی و کولتووری بەیەکەوە ژیانی ئاشتیانەی نێوان پێکهاتەکان".

 

ئەوەی پێویستە بیزانیت: زیاتر لە چوار هەزار زیارەتکار لە هەرێمی کوردستانەوە بۆ ئەنجامدانی فەریزەی حەج چوونەتە سعودیە.

وێنە گەورەکە: سبەی  یەکشەممە 16-6-2024 یەکەم ڕۆژی جەژنی قوربانە و نزیکەی دوو ملیۆن زیارەتکار لە جیهانەوە سەردانی سعودیەیان کردووە.