نەخۆشخانەی فێرکاریی قەڵادزێ: تیشكمان بۆ "مار" نەگرتووە

ئاڤا نیوز 

 

 گەنجێک کە "مار" بەخێو دەکات بڵاویکردووەتەوە کە لەم چەند ڕۆژەدا مارێکی بردووە بۆ نەخۆشخانەی فێرکاریی شەهیدانی قەڵادزێ تیشک (ئەشیعە)ـی بۆ گرتووە، بەڵام ئەو نەخۆشخانەیە ڕەتی دەکاتەوە کاری لەمجۆرەیان کردبێت.

 

وێنە گەورەکە: لە هەرێمی کوردستان ژمارەیەک هاونیشتمانی، خشۆکەکانی وەک مار و تیمساح بەخێو دەکەن و بایەخی زۆریان پێ دەدەن، بەڵام بەهۆی کەمی نەخۆشخانەی ڤێرتێرنەری تایبەت بە چاودێری تەندروستی ئاژەڵان، ئەو کەسانە پەنا بۆ کەرتی تەندروستی تایبەت دەبەن.

 

لێدوانی فەرمی: د.ئازاد ئەحمەد، بەڕێوەبەری نەخۆشخانەی فێرکاریی شەهیدانی قەڵادزێ قسەی بۆ ئاڤا نیوز کردووە دەڵێت: لەم چەند ڕۆژە گەنجێک هاتووەتە نەخۆشخانەکەمان، "مار"ـێکی لابووە گوتوویەتی نەخۆشە و تیشکی بۆ بگرن، بەڵام کارمەندانی تەندروستی ڕەتیان کردووەتەوە کارەکەی بۆ بکەن، ناچار لە دەرەوەی نەخۆشخانە تیشکی بۆ گرتووە.

 

زانیاریی زیاتر: د.ئازاد ئەحمەد دەڵێت: تەنانەت ئامێرەکانی ئێمە جیاوازن لەو ئامێرانەی لە وێنەکانی ئەو گەنجە دەرکەوتوون.