پووتین گەیشتە کۆریای باکوور

ئاڤا نیوز

 

پووتین بە سەردانێک گەیشتە کۆریای باکوور بەمەبەستی پتەوکردنی پەیوەندییەکان لە بواری بەرگری و وزەی ئەتۆمی نێوان هەردوو وڵات.

 

بۆچی گرنگە: لە ماوەی 24 ساڵی ڕابردوودا، ئەمە یەکەم سەردانی پووتینە بۆ ئەو وڵاتە.

 

زانیارییە بەدەستهاتووەکان: پێش سەردانی پووتین لە درەنگانی ئەمشەودا، بۆ پشێوازیکردن لە لێی ئامادەکاری پرۆتۆکۆڵی کرابوو، ئاڵای ڕووسیا و وێنەی گەورەی لە شاری پیۆنگیانگ هەڵواسرابوون و لەسەریان نووسرابوو "بەخێرهاتنی گەرم بۆ سەرۆک پووتین".

 

بابەتە ستراتیژییەکە: نزیکبوونەوەی ڕووسیا و کۆریای باکوور، ئەمریکا و کۆریای باشووریان نیگەران کردووە، هەفتەی ڕابردووش پنتاگۆن مۆسکۆی تۆمەتبار کرد بە بەکارهێنانی مووشەکی بالیستیی کۆریای باکوور لە ئۆکراینا.

 

لەلایەکی دیکەوە: ئەمریکا و کۆریای باشوور دەڵێن، ڕووسیا لە بەرامبەر مووشەکی بالیستی شارەزایی پێویستی بۆ کۆریای باکوور بۆ پرۆگرامی مانگی دەستکرد دابین کردووە،  هاوکاریشی بۆ چارەسەرکردنی کەمی خۆراک بۆ ئەو وڵاتە ناردووە.

 

باکگراوند: پەیوەندییەکانی مۆسکۆ و پیۆنگیانگ لە دوای جەنگی دووەمی جیهانییەوە دەستی پێکردووە، لە دوای شەڕی ئۆکراینا و ڕووسیا لە ساڵی 2022 زیاتر پەرەی سەندووە.