بەهۆی کەوتنەوەی ئاگر 11 کەس لە باکووری کوردستان گیانیان لەدەست دا

ئاڤا نیوز

ئاگرێکی گەورە لە پارێزگاکانی ئامەد و ماردینی کوردستان کەوتووەتەوە، بەهۆیەوە 11 کەس گیانیان لەدەست داوە و  شەش کەسیش بریندارن.

چیرۆکی سەرەکی: شەوی ڕابردوو لە گوندەکانی سەر بە شارۆچکەی چنار لە ئامەد  و لە گوندەکانی یوجەباغ و یەتکینلەر سەر بە ناحیەی شەمرەخی ماردین ئاگرێک کەوتەوە و بەخێرایی تەشەنەی کرد.
 
ڕاگەیێنراوی فەرمی: فەخرەتین کۆجە، وەزیری تەندروستیی تورکیا ڕایگەیاند، بەهۆی ئاگرەکەوە 11 کەس گیانیان لەدەست داوە، شەش کەس بریندارن، پێنج لەوان لەژێر چاودێری چڕدان. 78 کەسیش بەهۆی تەنگەنەفەسی گەیێنراونەتە نەخۆشخانە.