چاڵێنجی ئاڤا نیوز؛ سکووپ چییە؟

ئاڤا نیوز

ئەمڕۆ دەستەواژەیەکی نوێ (سکووپ- scoop) دەخەینە ناو میدیای کوردی، کە ئێستا بووەتە تێرمێکی ڕۆژنامەوانیی گرنگ لەنێو میدیاکانی جیهاندا.

تایبەتمەندیی و واتای سکووپ:

- زانیاریی تایبەت و ورد

- خێرایی لە بڵاوکردنەوە

مانای چییە: لە میدیای نوێدا، سکووپ بە مانای هەواڵ یان زانیارییەکی تایبەتە کە بڵاودەکرێتەوە پێش هەموو میدیاکانی دیکە، کە لەلایەن کەسێک یان تیمێک زانیارییەکان کۆکراونەتەوە. گرنگ ئەوەیە ئەو زانیارییەی بڵاوی دەکەیتەوە نوێ بێت و یەکەم میدیا بیت لە بڵاوکردنەوەی ئەو زانیارییە تایبەتە.

چاڵێنجی ئاڤا نیوز: ئێستا سکووپ، چاڵێنجێکی جیهانییە و خەڵاتی ساڵانەی لەسەرە. بۆیە هەموو میدیاکان هەوڵدەدەن رۆژانە لەو ڕکابەرییەدا بن و سکووپی تایبەتیان هەبێت. 

 

ئاڤا نیوزیش وەک میدیایەکی نوێ و بۆ ئەوەی جیاوازیی پێشانبدات، دەچێتە ئەو ڕکابەرییە و ئەمەش وادەکات هەمیشە ڕۆژنامەوانەکانمان بەدوای زانیاریی تایبەتدا بچن و خێراش بن لە بڵاوکردنەوەیدا.

سکووپ خاڵێکی دیکەی جیاوازیمان دەبێت لەنێو میدیا کوردییەکان و میدیای ناوچەکە.