عیززەت شابەندەر: سەرۆک بارزانی متمانەی نێوان بەغدا و هەولێری گەڕاندەوە

ئاڤا نیوز

عیززەت شابەندەر کەسایەتی سیاسی عێراق، لە بارەی سەردانەکەی سەرۆک بارزانی بۆ بەغدا دەڵێت "سەردانەکە هۆکارێکە بۆ دروستکردنی متمانە لەنێوان بەغدا و هەولێر".

وێنە گەورەکە: تادێت کاردانەوەکانی سەردانی سەرۆک بارزانی بۆ بەغدا و کۆبوونەوەی لەگەڵ لایەنە سیاسییەکانی عێراق زیاتر دەبێت، کەسایەتییە سیاسیەکانی عێراق ئەم سەردانە بە یەکێک لە سەردانە گرنگ و ستراتیژییەکان دەزانن.

لێدوانی فەرمی: عیززەت شابەندەر، کەسایەتی سیاسی عێراق لە ئێکس نوسیویەتی:"سەردانە مێژووییەکەی برا سەرۆک مەسعود بارزانی بۆ بەغدا و کۆبوونەوەی لوتکەی (چوارچێوەی دیموکراسی) گرنگی گەڕاندنەوەی متمانەی لەرزۆکی نێوان بەغدا و هەولێر لەسەر بنەمای شەراکەتی مێژوویی و چارەنووسساز لە خەباتی تاڵ لە دژی سیاسەتی دەستبەسەرداگرتن، ستەمکاریدا جێگیر کرد".

ئەوەی پێویستە بیزانیت: سەرۆک بارزانی دوو ڕۆژ لە بەغدا بوو، لەگەڵ سەرۆکوەزیرانی عێراق و سەرجەم لایەنە شیعە و سوننەکان و باڵیۆزی وڵاتانی ئەوروپا و ئەمریکاو وڵاتانی عەرەبی کۆبوونەوەی ئەنجامدا.