ترەمپ بە بەهای پێنج ملیار دۆلار سکاڵا لەسەر BBC تۆمار دەکات

ئاڤا نیوز

سەرۆکی ئەمریکا بە بەهای پێنج ملیار دۆلار سکاڵا لەسەر BBC تۆمار دەکات و بە ناوزڕاندن و مۆنتاژکردنی وتارەکان تاوانباریان دەکات.

چیرۆکی سەرەکی: دۆناڵد ترەمپ، سەرۆکی ویلایەتە یەکگرتووەکانی ئەمریکا ڕۆژی دووشەممە سکاڵایەکی یاسایی دژی دەزگای میدیایی "BBC" تۆمار کرد و بە تۆمەتی ناوزڕاندن داوای قەرەبوویەک دەکات کە بڕەکەی لە پێنج  ملیار دۆلار کەمتر نەبێت.

ئەوەی پێویستە بیزانیت: بەگوێرەی زانیارییەکان، ترەمپ تۆڕی هەواڵی بی بی سی بەوە تۆمەتبار کردووە کە هەستاون بە دەستکاریکردن (مۆنتاژکردن)ـی گرتە ڤیدیۆییەکانی وتارێکی ناوبراو، بە شێوەیەک کە وا دەربکەوێت ڕاستەوخۆ فەرمانی بە لایەنگرانی کردبێت هێرش بکەنە سەر باڵەخانەی کاپیتۆڵ (کۆنگرێسی ئەمریکا).

زانیاریی زیاتر: لە سکاڵاکەدا هاتووە کە ترەمپ داوای لایەنی کەم پێنج  ملیار دۆلار وەک قەرەبوو دەکات. ئەم هەنگاوەی سەرۆکی ئەمریکا کردنەوەی بەرەیەکە لەسەر ئاستی نێودەوڵەتی لە چوارچێوەی ئەو جەنگەی دژی ئەو میدیایانە ڕایگەیاندووە کە بە بڕوای ئەو ڕووماڵەکانیان ناڕاست و نادادپەروەرانەن بەرامبەر بە ئەو.