کێشەی پەنجەمۆری زیاتر لە 30 هەزار دەنگدەر چارەسەر دەکرێت

ئاڤا نیوز

پڕۆسەی تۆمارکردنەوەی پەنجەمۆری دەنگدەران لە ناوەندەکانی دەنگدان کۆتایی هاتووە، کێشەی بەشێک لە دەنگدەرانیش چارەسەر بووە.

وێنە گەورەکە: لە سەرەتای ئەم مانگەوە کۆمیسیۆنی هەڵبژاردنەکانی عێراق بۆ ماوەی 10 ڕۆژ پڕۆسەی دووبارە تۆمارکردنی پەنجەمۆری دەستیپێکرد.

لێدوانی فەرمی: د.عیماد جەمیل، سەرۆکی تیمی ڕاگەیاندنی کۆمیسیۆن بە ئاڤا نیوزی گوت، "پڕۆسەکە تەواوبووە و ماوەکەی درێژناکرێتەوە، لە ماوەی ئەو 10 ڕۆژەدا کێشەی زیاتر لە 10 هەزار دەنگدەر چارەسەر بووە."

خاڵە ئەرێنییەکان: تاوەکو ئێستا دووجار پڕۆسەی تۆمارکردنەوەی پەنجەمۆری دەنگدەران درێژکراوەتەوە، لە 175 بنکە لە سەرتاسەری هەرێمی کوردستان 31 هەزار دەنگدەر کێشەکەیان چارەسەر بووە.