لیژنەیەكی باڵای عێراق سەردانی توركیا دەكات

ئاڤا نیوز 

بڕیارە لە ناوەڕاستی مانگی داهاتوو، لیژنەیەکی باڵای عێراق بە سەرۆکایەتیی وەزیری دەرەوە سەردانی تورکیا بکەن و پرسە ئەمنیی و سیاسییەکان و هێرشەکانی تورکیا لە هەرێمی کوردستان تاوتوێ دەکەن.

وێنە گەورەکە: ماوەی چەند ڕۆژێکە سوپای تورکیا هێرش و جموجوڵی سەربازیی لەنێو خاکی هەرێمی کوردستان دژی پەکەکە چڕ کردووەتەوە، لەپێناو گفتوگۆکردن لەسەر ئەم پێشهاتانە شاندێکی باڵای عێراق و تورکیا کۆدەبنەوە.

ڕاگەیێنراوی فەرمی: ئەمڕۆ هەینی لە کۆنفرانسێکی ڕۆژنامەوانیدا لە واشنتنەوە فوئاد حوسێن وەزیری دەرەوەی عێراق ڕایگەیاند: بڕیارە لە ڕۆژی 15-8-2024، لەسەر ئاستێکی باڵا لە ئەنقەرە شاندی عێراق و تورکیا کۆبوونەوەی ئەمنیی و سیاسی بکەن.

زانیاریی زیاتر: بە بەردەوامی لە گفتوگۆدان لەگەڵ بەرپرسانی باڵای تورکیا لەبارەی هێرشەکانی سوپای ئەو وڵاتە بۆ سەر ناوچە سنوورییەکانی هەرێمی کوردستان. فوئاد حسێن ئەوەشی گوت.