دەنگدانی ئەزموونی بۆ پەرلەمانی کوردستان دەستپێدەکات

ئاڤا نیوز

 

کۆمسیۆنی هەڵبژاردنەکانی عێراق لە مانگی داهاتوودا، دوو پرۆسەی دەنگدانی ئەزموونی لە 181 وێستگە لە هەرێمی کوردستان ئەنجام دەدات.

 

وێنە گەورەکە: وەک ئامادەکارییەک بۆ هەڵبژاردنی پەرلەمانی کوردستان کە لە 20ی تشرینی یەکەمی ئەمساڵ بەڕێوەدەچێت، کۆمسیۆنی باڵای سەربەخۆی هەڵبژاردنەکانی عێراق دەنگدانی ئەزموونی لە هەر چوار پارێزگاکەی هەرێمی کوردستان ئەنجام دەدات.

 

لێدوانی فەرمی: وەلید خالد، سەرۆکی لیژنەی ئەزموونکاری لە کۆمسیۆنی هەڵبژاردنەکانی عێراق ڕایگەیاند، "لە ڕۆژانی 12 و 25ی مانگی داهاتوودا دوو پرۆسەی دەنگدانی ئەزموونی لە 181 وێستگەی دەنگدانی گشتی و تایبەت ئەنجام دەدەین".

 

زانیاریی زیاتر: وەلید خالد دەڵێت، ئەم پرۆسەیە بۆ ئەوەیە ئاستی کارایی ئامێرەکانی ژماردنی دەنگدان بزانین.

 

ژمارەکان وا دەڵێن: بەپێی زانیارییەکانی ئەو بەرپرسەی کۆمسیۆن وێستگەکانی دەنگدانی ئەزموونی بەم شێوەیە دابەش کراون:

 هەولێر: 53 وێستگەی گشتی و سێی تایبەت.
دهۆک: 41 وێستگەی گشتی و دووی تایبەت.
سلێمانی: 74 وێستگەی گشتی و دووی تایبەت.
هەڵەبجە: پێنج وێستگەی گشتی و یەکی تایبەت.

 

باکگراوند: ڕۆژی 26-6-2024، نێچیرڤان بارزانی، سەرۆکی هەرێمی کوردستان بە مەرسوومێکی فەرمی ڕێککەوتی 20-10-2024ی وەک ڕۆژی بەڕێوەچوونی هەڵبژاردنی خولی شەشەمی پەرلەمانی کوردستان دیاری کرد.