کارەساتێک له‌ میسان مەترسی لەسەر سامانی ماسی دروست دەکات

ئاڤا نیوز

 
سه‌دان هه‌زار ماسی لە ئەنجامی کەمی ئاو و پیسبوونی ژینگە لە ناحیەی (خەیر) ی سه‌ر به‌پارێزگای میسان مردار ده‌بنه‌وه‌.

 

وێنە گەورەکە: بەهۆی گۆڕانی کەشوهەوا و کەمی باران بارینه‌وه‌ ، سامانی ماسی بە شێوەیەکی بەرچاو دابەزیوە و مەترسی ڕاستەقینەی له‌ سه‌ره‌.

 

لێدوانی فەرمی: سەمیر عەبود، شارەزای بواری ژینگە ڕایگەیاند: " یەکێک لە هۆکارەکانی مرداربونه‌وه‌ی به‌لێشاوی ماسی لە میسان، نزمبونبی ئاستی ئاو و کەمبوونەوەی ریژه‌ی ئۆکسجینی زیندووه"‌.

 

ئەوەی پێویستە بیزانیت: بەپێچەوانەی ڕێنماییەکانی وه‌زاره‌تی كشتوكاڵی عێراق، تا ئێستا ماسیگران لە باشووری عێراق تەزووی کارەبا و ژەهر بۆ ڕاوه‌ ماسی بەکاردەهێنن، ئەمەش بووەتە هۆی کەمبوونەوەی سامانی ماسی به‌شێوه‌یه‌كی مه‌ترسیدار.