لە دوو هەفتەدا بەهۆی پەتای وەرزییەوە زیاتر لە 1500 منداڵ لە نەخۆشخانەیەکی سلێمانی خەوێنراون

ئاڤا نیوز

 

پەتایەکی وەرزی لەنێو هاونیشتمانیان بڵاوبووەتەوە، بەگوتەی بەڕێوەبەری نەخۆشخانەی منداڵانی سلێمانی، زیاتر لە هەزار و 500 منداڵ لەماوەی دوو هەفتەدا بەهۆی تووشبونیان بە هەڵامەت لە نەخۆشخانەکەیان خوێنراون.

 

چیرۆکی سەرەکی: بەهۆی هاتنی وەرزی پاییز و نزمبوونەوەی پلەکانی گەرما، پەتایەکی وەرزی لەنێو هاونیشتمانیان بڵاوبووەتەوە، ڕۆژانە لە شار و شارۆچکەکانی کوردستان هاووڵاتیان ڕوو لە بنکە تەندروستی و نەخۆشخانەکان دەکەن و چارەسەر وەردەگرن.

 

لێدوانی فەرمی: د. کۆیان زاهیر، بەڕێوەبەری نەخۆشخانەی منداڵانی د. جەمال ئەحمەد لە کۆنگرەیەکی ڕۆژنانەوانیدا ڕایگەیاند: ئەو پەتایەی ڕووی کردووەتە جیهان و ناوچەکە، هەرێمی کوردستانیشی گرتووەتەوە، تەنیا لە 15 ڕۆژی ڕابردوودا 10 هەزار و 731 نەخۆش سەردانی نەخۆشخانەکەمانی کردووە، هەزار و 507 کەسیان کە پەتاکەیان گرتووە لە نەخۆشخانە ماونەتەوە و چاودێریی کراون.

 

بەگوتەی د. کۆیان زاهیر، نیشانەکانی پەتا وەرزییەکە بە زۆری کۆکە، تای تووند و چەند نیشانەیەکی دیکەن، نەخۆشەکان لە نەخۆشخانەکە چارەسەر وەردەگرن. 

 

ئەمەش بزانە: د. کۆیان زاهیر ڕێنمایی هاونیشتمانیان دەکات بەوەی لە گردبوونەوە و شوێنە قەرەباڵغەکان دووربکەونەوە بۆئەوەی کاریگەرییەکانی پەتا وەرزییەکەیان لەسەر کەم ببێتەوە، چونکە لەڕێگەی هەناسە و کۆکەوە دەگوازرێتەوە، لەگەڵ ئەوەشدا ڕێگاکانی خۆپارێزی وا دەکەن لە پەتا وەرزییەکان و نەخۆشییەکانی دیکەش دوور ببن.