دوای تووڕەیی ئەردۆغان؛ سەرۆکی فەڵەستین سەردانی تورکیا دەکات

ئاڤا نیوز

 

دوای ئەوەی ئەردۆغان، سەرۆکی تورکیا توڕەیی خۆی بەرامبەر مەحموود عەباس دەربڕی بەوەی بانگهێشتی تورکیای کردووە و بەدەم بانگهێشتەکەی نەچووە، سەرۆکی دەسەڵاتدارێتیی فەڵەستین بڕیاری دا سەردانی ئەنقەرە بکات.

 

بۆچی گرنگە: قبووڵکردنی بانگهێشتانەمەکە دوای لێدوانە تووندەکەی ئەردۆغان دێت کە داوای لە سەرۆکی فەڵەستین کرد" داوای لێبووردن بکات" بەهۆی ئەوەی تاوەکو ئێستا وەڵامی نەبووە.

 

ڕاگەیێنراوی فەرمی: فائید مستەفا، باڵیۆزی فەڵەستین لە تورکیا ڕایگەیاند: مەحموود عەباس، سەرۆکی دەسەڵاتدارێتیی فەڵەستین ئەو بانگھێشتنامەیە قبووڵ دەکات کە بۆ سەردانیکردنی تورکیا ئاراستەی کراوە.

 

زانیاریی بەدەستهاتوو: بڕیارە مەحموود عەباس لە سەردانەکەی بۆ تورکیا لەگەڵ ئەردۆغان کۆببێتەوە و  گوتارێک لە بەردەم پەرلەمانی تورکیا پێشکەش بکات. 

 

ئەمەش بزانە: تاوەکو ئێستا وادەی سەردانەکە دیاری نەکراوە، کەناڵە دیپلۆماسییەکانی نێوان ھەردوو وڵات بۆ ئەم مەبەستە لە پەیوەندیدان.