هێڵی ئاسمانیی میدل ئێست گەشتەکانی گەڕانەوەی بۆ لوبنان دواخست

ئاڤا نیوز

کۆمپانیای فڕۆکەوانی میدڵ ئێستی لوبنانی، گەڕانەوەی گەشتەکانی بۆ لوبنان دواخست، بێ ئەوەی هۆکارەکەی ڕوون بکاتەوە.

وێنە گەورەکە:  گرژییەکانی نێوان ئیسرائیل و لوبنان زیادیان کردووە و ئیسرائیل هەڕەشەی تۆڵەسەندنەوەی هێرشە مووشەکییەکەی  بەرزاییەکانی جۆلان دەکات کە بەهۆیەوە 12 ئیسرائیلی کوژران.

ڕاگەیێنراوی فەرمی: کۆمپانیای فڕۆکەوانی میدڵ ئێست دوێنێ یەکشەممە ڕایگەیاند، گەشتەکانی گەڕانەوە بۆ لوبنان تاوەکو ئەمڕۆ دووشەممە بەشێوەیەکی کاتی دەوەستێت، بەبێ ئەوەی هۆکارەکەی ڕوون بکاتەوە.

ئەوەی لەبارەیەوە دەگوترێت: بەشێک لە میدیاکانی ئەو وڵاتە هۆکارەکەی بۆ" مەترسی هێرشی مووشەکی ئیسرائیل بۆ لوبنان" دەگەڕێننەوە، بەهۆی ئەوەی ئیسرائیل حیزبوڵڵای لوبنانی بە تۆمەتباری هێرشەکەی جۆلان دەزانێت و حیزبوڵڵاش ئەو تۆمەتە ڕەت دەکاتەوە.