واشنتن حیزبوڵڵا بە هێرشەکەی جۆلان تۆمەتبار دەکات

ئاڤا نیوز

واشنتن، حیزبوڵڵای لوبنانی سەر بە ئێران لە هێرشە مووشەکییەکەی بەرزاییەکانی جۆلانی ژێر دەسەڵاتی ئیسرائیل تۆمەتبار دەکات کە کوژرانی 12 ئیسرائیلی لێکەوتەوە.

وێنە گەورەکە:  لە کاردانەوەی هێرشە مووشەکییەکەی سەر بەرزاییەکانی جۆلان، ئەمریکا هێرشەکەی بە دوژمنکاری دژی ئیسرائیل ناوبرد و حیزبوڵڵای لوبنانی تۆمەتبار دەکات، هەروەها جارێکی دیکە پشتیوانی خۆی بۆ ئیسرائیل دووپات کردەوە. 

لێدوانی فەرمی: ئێدریەن واتسن، گوتەبێژی ئەنجوومەنی ئاسایش ئەمریکا، هێرشەکەی بە" مەترسیدار" ناوبرد و گوتی: مووشەکەکان لە ناوچەی ژێر دەسەڵاتی حیزبوڵڵای لوبنانی ئاراستەی ئیسرائیل کراون و پێویستە جیهان سەرکۆنەی بکات.

لەلایەکی دیکەوە: کەمالا هاریس، بەربژێری سەرۆکی ئەمریکا لە "ئێکس"  بە هەمانشێوەی کۆشکی سپی سەرکۆنەی هێرشەکە کرد و حیزبوڵڵای لوبنانی تۆمەتبار کرد. 

باکگراوند: حیزبوڵڵای لوبنانی نزیک لە ئێران، لە دوای 7ی ئۆکتۆبەرەوە شەڕی حەماس و ئیسرائیلی بۆ سنوورەکانی لوبنان درێژکردەوە، بەو هۆیەوە 507 هاووڵاتی لوبنانی گیانیان لەدەست داوە و 104یان مەدەنین.