یەکەیەکی 120 مێگاواتی کارەبا لە هەولێر دروست دەکرێت

ئاڤا نیوز

 

گوتەبێژی وەزارەتی کارەبای حکومەتی هەرێمی کوردستان ڕایگەیاند، ئامادەسازی بۆ کارپێکردنی یەکەیەکی 120 مێگاواتی لە هەولێر دەکرێت کە بە گازوایل کار دەکات.

 

لێدوانی فەرمی: ئومێد ئەحمەد، گوتەبێژی وەزارەتی کارەبای حکومەتی هەرێمی کوردستان بە ئاڤا نیوزی گوت: تیمەکانی کۆنترۆڵی کارەبای هەرێم ئامادەسازی بۆ کارپێکردنی یەکەیەکی کارەبا لە هەولێر  دەکەن، کە بە گازوایل کار دەکات و 120 مێگاوات کارەبای هەیە.

 

زانیاریی زیاتر: "ژێرخانی کارەبا نزیکەی حەوت هەزار و 500 مێگاواتە، هۆکاری بەکارنەخستنی ئەم مێگاواتانە نەبوونی غازی سروشتی پێویستە بۆ کارپێکردنیان"، ئومێد ئەحمەد وادەڵێت.

 

ئەوەی پێویستە بیزانیت: پلان هەیە بۆ دروستکردنی سێ وێستگەی سۆلەر، لە سلێمانی ، هەولێر و دهۆک کە هەر یەکەیان توانای بەرهەمهێنانی 25 مێگاوات کارەبای بەردەوامی هەیە.