کۆبوونەوەی سەرکردە باڵاکانی ئێران لە ماڵی خامنەیی بەڕێوەدەچێت

ئاڤا نیوز

 

ئەنجوومەنی باڵای ئاسایشی نەتەوەیی ئێران لە بارەگای عەلی خامنەیی، رێبەری باڵای کۆماری ئیسلامیی ئێران بە ئامادەبوونی ئیسماعیل قائانی، فەرماندەی سوپای قودس لەبارەی کوژرانی ئیسماعیل هەنیە، سەرۆکی مەکتەبی سیاسی بزووتنەوەی حەماس لە ئێران لە کۆبوونەوەدان.

 

وێنە گەورەکە: بەرەبەیانی ڕۆژی 31-07-2024، ئیسماعیل هەنیە، سەرۆکی مەکتەبی سیاسیی بزووتنەوەی حەماس لە تاران کوژرا.

 

ڕاگەیێنراوی فەرمی: کەناڵی تەسنیمی ئێرانی بڵاوی کردەوە، ئەنجوومەنی باڵای ئاسایشی نەتەوەیی ئێران بە ئامادەبوونی فەرماندەی سوپای قودس، لە ماڵی عەلی خامنەیی، ڕێبەری باڵای کۆماری ئیسلامیی ئێران لەبارەی کوژرانی هەنیە، لە کۆبوونەوەدان.

 

لێدوانی فەرمی: ناسر کەنعانی، گوتەبێژی وەزارەتی دەرەوەی ئێران ئاماژەی بەوە داوە، لایەنە پەیوەندیدارەکان لێکۆڵینەوە لە وردەکاریی کوژرانی هەنیە لە تاران دەکەن و "خوێنی بەفیڕۆ ناچێت".