یەکەم لێدوانی سەرۆککۆماری ئێران لەبارەی کوژرانی ئیسماعیل هەنیە

ئاڤا نیوز

 

سەرۆککۆماری ئێران لە پەیامێکدا لەبارەی کوژرانی ئیسماعیل هەنیە ڕایگەیاند، ئێران بەرگری لە سەروەری خاکەکەی دەکات و "داگیرکەرانی تیرۆریست" لە کارە ترسنۆکەکانیان پەشیمان دەکاتەوە. 

 

وێنە گەورەکە: ئەمە یەکەم پەیامی مەسعود پزیشکیانە دوای ئەوەی دوێنێ سوێندی یاسایی خوارد و وەک سەرۆککۆماری ئێران دەستبەکاربوو، کە ئیسماعیل هەنیە، یەکێک بوو لەو کەسانەی لە ڕێوڕەسمی سوێندخواردنەکەی بەشدار بوو.

 

پەیامی فەرمی: مەسعود پزیشکیان دەڵێت: ئێران "داگیرکەرانی تیرۆریست" لە کارە ترسنۆکەکانیان پەشیمان دەکاتەوە.

 

چی ڕوویدا: کاتژمێر 02:00ـی شەو، ئیسماعیل هەنیە، سەرۆکی مەکتەبی سیاسیی حەماس بە مووشەک شوێنی مانەوەی لە تاران کرایە ئامانج، خۆی و پاسەوانێکی کوژران.

 

ئەوەی پێویستە بیزانیت: تاوەکو ئێستا هیچ لایەنێک بەرپرسیارییەتی لە هێرشەکە ڕانەگەیاندووە.