یەکەم لێدوانی وەزیری بەرگریی ئیسرائیل دوای کوژرانی ئیسماعیل هەنیە

ئاڤا نیوز

 

وەزیری بەرگریی ئیسرائیل دوای کوژرانی ئیسماعیل هەنیە دەڵێت، بۆ هەموو سیناریۆیەک ئامادەن.

 

چیرۆکی سەرەکی: یوئاڤ گالانت، وەزیری بەرگریی ئیسرائیل لە یەکەم لێدوانیدا دوای کوژرانی ئیسماعیل هەنیە ڕایگەیاند، "نامانەوێت جوگرافیای جەنگ لە ناوچەکە فراوانتر بێت، بەڵام بۆ مامەڵەکردن لەگەڵ هەموو جۆرە سیناریۆیەک ئامادەین". 

 

وێنە گەورەکە: بەرەبەیانی ڕۆژی چوارشەممە 31-07-2024 ئیسماعیل هەنیە، سەرۆکی مەکتەبی سیاسیی بزووتنەوەی حەماس لە تاران کوژرا و ڕووداوەکە کاردانەوەی جیهانی بەدوای خۆیدا هێنا.

 

زانیاریی زیاتر: ڕاپۆرتە میدیاییەکان ئەو لێدوانەی وەزیری بەرگریی ئیسرائیلیان لە ڕێگەی گوتەبێژەکەیەوە پشتڕاست کردووەتەوە.