عێراق: هێرشەکەی بابل ڕووبەڕووبوونەوەی داعش تێکدەدات

ئاڤا نیوز

 

لەبارەی هێرشەکەی هاوپەیمانیی نێودەوڵەتی بە سەرکردایەتیی ئەمریکا بۆ سەر بارەگای حیزبوڵڵای عێراقی، گوتەبێژی سوودانی ئاماژە بەوە دەدات کە کاری هاوبەشیان بۆ ڕووبەڕووبوونەوەی داعش تێکدەچێت.

 

وێنە گەورەکە: عێراق نیگەرانە لە هێرشەکەی بابل بە سەرکردایەتیی ئەمریکا و پێی وایە پێشهاتێکی مەترسیدارە و ناوچەکە بەرەو جەنگێکی مەترسیدار دەبات.

 

ڕاگەیێنراوی فەرمی: یەحیا ڕەسووڵ، گوتەبێژی فەرماندەی هێزە چەکدارەکانی عێراق ڕاگەیاند: "ئەم دەستدرێژییانە مەترسیین و دەبێتە هۆی ئەوەی کار و هاوکاریی هاوبەشمان لە ڕووبەڕوو بوونەوەی داعش لە عێراق و سووریا تێکبدات".

 

زانیاریی زیاتر: "ئەگەر هەیە ئەم پێشهاتانە عێراق و ناوچەکە بەرەو گرژی و جەنگێکی مەترسیدار ببات و هێزەکانی هاوپەیمانیی نێودەوڵەتی بەرپرسیارن لەم پێشهاتانە". یەحیا ڕەسووڵ وادەڵێت.

ئەوەی پێویستە بیزانیت: بەرەبەیانی ئەمڕۆ چوارشەممە، ئەمریکا لە بنکەیەکی سەربازیی هاوپەیمانان لە کوێتەوە هێرشی کردە سەر بارەگای حیزبوڵڵای عێراقی سەر بە حەشدی شەعبی و چوار چەکدار کوژران.