تەرمی هەنیە دوای نوێژی هەینی لە دەوحە بەخاک دەسپێردرێت

ئاڤا نیوز

 

دوای ڕێوڕەسمی پرسەدانان لە تاران تەرمی هەنیە بۆ دەوحەی پایتەختی قەتەر دەگوازرێتەوە و لەوێ بەخاک دەسپێردرێت. 

 

وێنە گەورەکە: دوای کوژرانی ئیسماعیل هەنیە، سەرۆکی مەکتەبی سیاسیی حەماس، ڕێوڕەسمێکی گەورەی ماتەمینی لە تارانی پایتەختی ئێران بۆ ڕێکدەخرێت، ئێوارەی ڕۆژی پێنجشەممە تەرمەکەی بەرەو دەوحەی پایتەختی قەتەر دەگوازرێتەوە و بە ئامادەبوونی بەرپرسانی باڵای وڵاتانی عەرەبی لە گۆڕستانی لە لوسیل بەخاک دەسپێردرێت. 

 

زانیاری زیاتر: لە مزگەوتی ئیمام محەمەد بن عەبدولوەهاب لە دەوحە دوای نوێژی هەینی، نوێژی مردوو لەسەر تەرمی هەنیە دەکرێت. 

 

چی ڕووی دا: بزووتنەوەی حەماس بەرەبەیانی ئەمڕۆ هەواڵی کوشتنی ئیسماعیل هەنیە، سەرۆکی مەکتەبی سیاسیی حەماسی ڕاگەیاند، کە بە مووشەکێک شوێنی نیشتەجێبوونی کرایە ئامانج و خۆی و پاسەوانێکی کوژران.