سەرۆکوەزیران بارزانی لەسەر بانگهێشتی شێخ محەممەد بن ڕاشد دەچێتە ئیمارات

ئاڤا نیوز

ئەمڕۆ یەکشەممە سەرۆکوەزیران بارزانی بە سەرۆکایەتیی شاندێکی حکومەت بەرەو دەوڵەتی ئیمارات بەڕێکەوت بۆ بەشداریکردن لە لووتکەی جیهانیی حکومەتەکان.

ڕاگەیێنراوی فەرمی: مەسرور بارزانی، سەرۆکی حکومەتی هەرێمی کوردستان بە بانگهێشتی تایبەتیی شێخ محەممەد بن ڕاشد ئال مەکتووم، جێگری سەرۆکی دەوڵەتی ئیمارات و سەرۆکی ئەنجوومەنی وەزیران و حاکمی میرنشینی دوبەی بەشداری لە لووتکەکەدا دەکات.

زانیاری زیاتر: لووتکەکە ڕۆژانی 12-14ی ئەم مانگە لە شاری دوبەی دەکرێت. بڕیارە سەرۆکوەزیران بارزانی گوتارێک بە ئامادەبوونی ژمارەیەک لە سەرۆک و سەرۆکوەزیران و بەرپرسانی باڵای جیهان پێشکەش بکات.

بۆچی گرنگە: وێڕای ئەوەی هەرێمی کوردستان و ئیمارات لە چەندین ڕووەوە پەیوەندی تایبەتیان هەیە، سەرۆکی حکومەت لە لووتکەکەدا چەندین دیدار و کۆبوونەوەی لەگەڵ بەرپرسان و بیرمەندان و خاوەنکارانی عەرەبی و هەرێمی و جیهانی دەبێت.