سەرکردەیەکی حەماس لە تارانەوە: تیرۆرکردنی هەنیە کاریگەری لەسەرمان نابێت

ئاڤا نیوز

 

سەرکردەیەکی بزووتنەوەی حەماس لە تارانەوە باس لە کاریگەریی نەمانەی بەرپرسی مەکتەبی سیاسیی بزووتنەوەکەی دەکات و ئاماژە بەوە دەدات " کاریگەری نابێت لەسەریان".

 

وێنە گەورەکە: ئیسماعیل هەنیە، بەرپرسی مەکتەبی سیاسیی بزووتنەوەی حەماس بوو و بەرەبەیانیی ئەمڕۆ، خۆی و پاسەوانێکی لە بنکەیەکی سەربازیی تاران بەئامانج گیران و کوژران.

 

لێدوانی فەرمی: خەلیل ئەلحەییە، سەرکردە لە حەماس کۆنفرانسێکی ڕۆژنامەوانی لە تاران سازدا و بە میدیاکانی گوت: "تیرۆرکردنی ئیسماعیل هەنیە نابێتە دەستکەوتێکی ئەمنی بۆ ئیسرائیل، چونکە هەنیە لە شوێنێکی ناسراو بوو" کە مەبەست لێی تارانی پایتەختی ئێرانە.

 

قووڵتر: "تیرۆرکردنی هەنیە کاریگەری لەسەر بزووتنەوەی حەماس نابێت". خەلیل ئەلحەییە وادەڵێت.

 

باکگراوند: لە ئۆکتۆبەری ساڵی ڕابردوو جەنگی نێوان حەماس(فەڵەستین) و سوپای ئیسرائیل دەستیپێکرد، تەلئەڤیڤ پێیوابوو ئیسماعیل هەنیە، بەرپرسی مەکتەبی سیاسیی حەماس پلانداڕێژەری هەڵگیرساندنی جەنگەکەیە.