تەرمی ئیسماعیل هەنیە بەرەو قەتەر بەڕێ دەکرێت

ئاڤا نیوز

 

بە ئامادەبوونی ڕێبەری باڵای شۆڕشی ئیسلامیی ئێران و سەرۆككۆماری ئێران نوێژی مردوو لەسەر تەرمی هەنیە كرا و بەرەو قەتەر بەڕێ دەکرێت.

 

وێنە گەورەكە: دوای دوو ڕۆژ لە کوژرانی ئیسماعیل هەنیە لەلایەن سوپای ئیسرائیلەوە، ڕۆژی پێنجشەممە، لە باڵەخانەی زانكۆی تاران بە ئامادەبوونی هەزاران ئێرانی نوێژ لەسەر تەرمی ئیسماعیل هەنیە كرا.

 

زانیاریی بەدەستهاتوو: هەر ئەمڕۆ تەرمی ئیسماعیل هەنیە، بەرەو قەتەر بەڕێ دەکرێت و هەر لەوێش بەخاکدەسپێدرێت.

 

زانیاریی زیاتر: ئیسماعیل هەنیە لەگەڵ پاسەوانێکی لە تارانی پایتەخی ئێران بە مووشەک كرانە ئامانج و كوژران.

 

ئەوەی ئێستا ڕوودەدات: هەریەكە لە ئێران، حیزبوڵڵا، حووسییەكان و حەماس هەڕەشەی تۆڵەسەندنەوە لە ئیسرائیل دەكەن.