سەرۆکوەزیران بارزانی گەیشتە دوبەی

ئاڤا نیوز

 

سەرۆکوەزیران بارزانی لەسەر بانگهێشتی شێخ محەممەد بن ڕاشد ئال مەکتووم، جێگری سەرۆکی دەوڵەتی ئیمارات گەیشتە دوبەی، بەمەبەستی بەشداریکردن لە لوتکەی جیهانی حکومەتەکان.

 

لێدوانی فەرمی: سەرۆکوەزیران بارزانی لە هەژماری خۆی لە تۆڕی کۆمەڵایەتیی ئێکس ڕایگەیاند: خۆشحاڵم بە بەشداریکردن لە لوتکەی جیهانیی حکومەتەکان 2024.

 

زانیاری زیاتر: لووتکەکە ڕۆژانی 12-14ی ئەم مانگە لە شاری دوبەی دەکرێت.  ژمارەیەک لە سەرۆک و سەرۆکوەزیران و بەرپرسانی باڵای جیهان ئامادە دەبن، بڕیارە سەرۆکوەزیران بارزانی گوتارێک پێشکەش بکات.

 

بۆچی گرنگە: وێڕای ئەوەی هەرێمی کوردستان و ئیمارات لە چەندین ڕووەوە پەیوەندی تایبەتیان هەیە، سەرۆکی حکومەت لە لووتکەکەدا چەندین دیدار و کۆبوونەوەی لەگەڵ بەرپرسان و بیرمەندان و خاوەنکارانی عەرەبی و هەرێمی و جیهانی دەبێت.