بایدن: کوشتنی هەنیە یارمەتیدەری ئاگربەست نییە

ئاڤا نیوز

 

بایدن لە گرژبوونی زیاتری دۆخی ڕۆژهەڵاتی ناوەڕاست نیگەرانە و ڕایدەگەیێنێت، کوشتنی هەنیە یارمەتیدەری ئاساییبوونەوەی دۆخەکە نەبووە.

 

لێدوانی فەرمی: جۆ بایدن، سەرۆکی ئەمریکا ڕایگەیاند، سەبارەت بە بارودۆخی ڕۆژهەڵاتی ناوەڕاست "زۆر نیگەران"ـە و ئاماژەی بەوەش کرد کوشتنی ئیسماعیل هەنیە، سەرۆکی مەکتەبی سیاسیی حەماس لە تاران "یارمەتیدەری دۆخەکە نەبووە".

 

زانیاریی زیاتر: بایدن داوای لە بنیامین نەتانیاهۆ، سەرۆکوەزیرانی ئیسرائیل کردووە بەزوویی بگەنە ڕێککەوتنی ئاگربەستی غەززە.

 

ئەوەی پێویستە بیزانیت: دوای کوژرانی هەنیە لە تاران گرژییەکان زیاتر بوون و چاوەڕێ دەکرێت ئێران، حەماس، حیزبوڵڵا، حوسییەکانی یەمەن و گرووپەکانی مقاومە لە عێراق کاردانەوەی تووندیان هەبێت.