تەرمی ئیسماعیل هەنیە لە قەتەر بە خاک دەسپێردرێت

ئاڤا نیوز

 

بڕیارە ئەمڕۆ هەینی تەرمی ئیسماعیل هەنیە، سەرۆکی مەکتەبی سیاسیی حەماس لە قەتەر بە خاک بسپێردرێت.

 

چیرۆکی سەرەکی: ڕۆژی چوارشەممە دوای بەشداریکردن لە ڕێوڕەسمی سوێندخواردنی مەسعود پزیشکیان، سەرۆککۆماری ئێران، ئیسماعیل هەنیە لە شوێنی مانەوەی لە تاران، کایە ئامانج؛ دوای ماڵئاوایکردن لە تەرمەکەی لە ئێران، ڕەوانەی قەتەر کرا و ئەمڕۆش دوای نوێژی هەینی لەوێ بە خاک بسپێردرێت.

 

ئەمەش بزانە: تەرمی ئیسماعیل هەنییە، دوای ئەوەی لە مزگەوتی ئیمام موحەممەد بن عەبدولوەهاب، نوێژی لە سەر دەکرێت، لە گۆڕستانی لوسەیل لە باکووری دەوحەی پایتەختی قەتەر بەخاک دەسپێردرێت.

 

زانیاریی زیاتر: ئێران و هێزە هاوپەیمانە هەرێمییەکانی بەڵێنی تۆڵەسەندنەوەیان لە ئیسرائیل داوە؛ بە بۆنەی کوژرانی هەنیەوە چەند وڵاتێکی موسڵمان ماتەمینیی گشتییان ڕاگەیاندووە.