کامیرەیێن پۆینت تۆ پۆینت لسەر جاددەیا شێخان بۆ ڕۆڤیا دێ کەڤنە کار

ئاڤا نیوز

ڕێڤەبەریا هاتن و چوونا پارێزگەها دهۆکێ شۆفێران ئاگەهدار دکەت کو کامیرەیێن پۆینت تۆ پۆینت لسەر جاددەیا سەرەکییا شێخان تاکو ناحیەیا ڕۆڤیا دێ هێنە دانان.

 

داخویانیا فەرمی: عەقیدێ مافپەروەر ئازاد تاھا، پەیڤدارێ هاتن و چوونا دهۆکێ بۆ ئاڤا نیوز ڕاگەهاند: ل ڕۆژا سێشەمبیێ 20-02-2024، ل قەزا شێخان تاکو ناحیەیا ڕۆڤیا دێ ڕادارێن پۆینت تۆ پۆینت کەڤنە کاری و دەست ب تۆمارکرنا سەرپێچییان کەن.

 

زانیاریێن زێدەتر: لەزتیا بۆ وێ جاددەیێ هاتیە دیارکرن بۆ تڕۆمبێلێن بچیک 100 کیلۆمەتر و بۆ ترۆمبێلێن مەزن ژی 80 کیلۆمەتر د دەمژمێرەکێ دایە.