جۆن بۆڵتن: تۆڵەی ئێران زیانی گەورە بە ئیسرائیل دەگەیێنێت

ئاڤا نیوز

 

جۆن بۆڵتن، ڕاوێژکاری ئاسایشی نیشتیمانیی ئەمریکا لە سەردەمی دۆناڵد ترەمپی سەرۆکی پێشووی ئەمریکا، پێشبینیی دەکات ئێران هێرشێکی تۆڵەسەندنەوەی "بەهێز" و "کاریگەر" بکاتە سەر ئیسرائیل و زیانی گەورە بەو وڵاتە بگەیێنێت.

 

لێدوانی فەرمی: بۆڵتن بە ڕۆژنامەی شەرقولئەوسەتی ڕاگەیاندووە "دوای زنجیرە ڕووداوەکانی چەند هەفتەیەکی ڕابردوو لە هێرشەکانی عێراق و بەئامانجگرتن و کوشتنی فواد شوکر، کەسی دووەمی حیزبوڵڵا و پاشان کوشتنی هەنییە، لە کاردانەوەی ئەمەدا ئێران شتێکی کاریگەر و زۆر گرنگ ئەنجام دەدات کە لەوەی مانگی نیسانی ڕابردوو جیاواز دەبێت کە 320 موشەک و درۆنی گرتنە ئیسرائیل بێ ئەوەی کاریگەرییەکی گەورەیان لێبکەوێتەوە."

 

زانیاریی زیاتر: بۆڵتن هۆکاری تووندیی تۆڵەی ئێرانی بۆ "شەرمەزاربوونی" خامنەیی ڕێبەری باڵای ئێران گەڕاندووەتەوە لەوەی نەیتوانیوە لە تاران ئاسایشی میوانێکی وەک هەنییە بپارێزێت.