ئیسرائیل، ئیمامئۆغلۆ دژ بە ئەردۆغان بەكاردەهێنێت

ئاڤا نیوز 

لێدوانە دژ بە یەكەكانی نێوان ئیسرائیل و توركیا بەردەوامە، هەردوولا یەكتر بە تاوانكاری تۆمەتبار دەكەن، ئیسرائیل ئەمجارە سیاسەتێكی نوێ بەكاردێنێت و دەیەوێت ئەكرەم ئیمامئۆغلۆی ڕكابەری ئەردۆغان بهێنێتە بەرەی خۆی.

چیرۆكی سەرەكی: ئیسرائیل كاتز، وەزیری دەرەوەی ئیسرائیل لە "ئێكس" جارێكی دیكە هێرش دەكاتە سەر ڕەجەب تەیب ئەردۆغان سەرۆككۆماری توركیا، بەڵام ئەمجارە  ئەكرەم ئیمام ئۆغلۆ، سەرۆكی گەورە شارەوانی ئیستەنبوڵ تاگ دەكات.

زانیاریی زیاتر: كاتز بە تەنزەوە دەنووسێت:" هیوادارین داهاتووی توركیا باشتربێت". ئیمام ئۆغلو وەڵام دەادتەوە " داهاتووی باشتر دەبێت گەر تاوانكاری و جینۆسایدەكانی غەززە كۆتایی بێت". 

كاردانەوەكان: سەرجەم بەرپرسە باڵاكانی توركیا لە نێویاند، وەزارەتی دەرەوە و پەیوەندییەكانی توركیا، بە تووندی وەڵامی كاتز دەدەنەوە و بە " كەسێكی دەروون نەخۆش و بكوژ" ناوی دەبەن بەوەی سەرۆكەكەیانی كردووەتە ئامانج.

گۆشەیەكی دیكە: چەند جارێك ئەردۆغان ڕەخنەی لە جەهەپە گرتووە، بەوەی كاردانەوەی لە دژی ئیسرائیل و كردەوەكانی نەبووە.

وێنە گەورەكە: لە حەوتی ئۆكتۆبەری ساڵی ڕابردووەوە، لە دوای شەڕی حەماس و ئیسرائیل، توركیا پەیوەندییەكانی لەگەڵ ئیسرائیل پچڕاندووە.