کوتلەی عەرەبی لە کەرکووک: ئامادەکاری بۆ کۆبوونەوەی ئەنجوومەن دەکرێت

ئاڤا نیوز

 

ئەندامێکی پێکهاتەی عەرەبی لە ئەنجوومەنی پارێزگای کەرکووک ئاشکرای دەکات، دوای کۆبوونەوەکانی سوودانی لەگەڵ پێکهاتەکانی پارێزگاکە، لە سبەیەوە ئامادەکاری بۆ کۆبوونەوەی ئەنجوومەن دەستپێدەکات.

 

وێنە گەورەكە: بڕیار بوو ڕۆژی 1ـی ئەم مانگە ئەنجوومەنی پارێزگای کەرکووک کۆببێتەوە و پۆستی سەرۆکی ئەنجوومەنەکە یەکلا بکرێتەوە، بەڵام لەسەر داوای سەرۆکوەزیرانی عێراق دواخرا.

 

لێدوانی فەرمی: ڕەعد ساڵح مووسا، ئەندامی کوتلەی قیادە لە ئەنجوومەنی پارێزگای کەرکووک بە ئاڤا نیوزی ڕاگەیاند: "تاوەکو ئێستا بەفەرمی لەلایەن ئەندامانی ئەنجوومەنەوە داوای کۆبوونەوە نەکراوە، هەر کاتێکیش داوا بکرێت، دوای 24 کاتژمێر کۆبوونەوە ئەنجام دەدرێت".

 

زانیاریی زیاتر: "لە سبەیەوە ئامادەکارییەکان بۆ کۆبوونەوەی ئەنجوومەن دەستپێدەکەن". ڕەعد ساڵح وادەڵێت.