پێشنیارەک ل جڤاتا نوینەرێن عێراقێ ئێزدی دلگران کرینە

ئاڤا نیوز

 

لژنەیا شەهیدان و قوربانیان و زیندانیێن سیاسی ل  پەرلەمانێ عێراقێ پێشنیارەک بۆ سەرۆکاتیا جڤاتێ بلندکریە و داخاز دکەن یاسایا تایبەت ب ڕزگاربوویێن ئێزدی ڤە بهێتە هەموارکرن، ڤێ چەندێ ژی ئێزدی دلگران کرینە.

 

چیرۆکا سەرەکی: پشتی نەمانا داعشێ جڤاتا نوینەرێن عێراقێ یاسایەکا تایبەت ب قەرەبووکرن و هەڤکاریکرنا کچ و ژنێن ئێزدی یێن ڕزگاربوویێن دەستێ داعشێ دەرکر، لێ نوکە بزاڤ دهێنە کرن ئەو یاسایە بهێتە هەموارکرن.

 

داخویانیا فەرمی: موراد ئیسماعیل، سەرۆکێ ئەکادیمیا شنگالێ بۆ ئاڤا نیوز گوت، پەرلەمانێ عێراقێ ب ژڤانە دەست ب هەموارکرنا یاسایا ڕزگاربوویێن ئێزدی بکەت، دهێتە پێشبینیکرن ناڤێ ئێزدیان ژ ئەڤێ یاسایا تایبەت ب ئێزدیان ڤە لابدەن، ئەو ب هەموو شێوەیەکێ ئەڤێ پێشنیارێ رەتدکەن، داخواز ژ هەر لایەنەکێ دکەن یێن کو خۆ ب دۆستێ ئێزدیان دزانن ل دژی ڤێ پێشنیارێ بن.

 

ژ لایەکێ دی ڤە: هەر دەربارەی ڤێ پرسێ مەحما خەلیل، ئەندامێ پەرلەمانێ عێراقێ بۆ ئاڤا نیوز گوت، "ئەم وەک نوینەرێن ئێزدی و فراکسیۆنا پارتی دیموکراتی کوردستان ل پەرلەمانێ عێراقێ ب هەموو شێوەیەکێ ل دژی ئەڤێ پێشنیارێ نە، ئەگەر ل پەرلەمانی هاتە گەنگەشەکرن دێ ل دادگەها فیدرالی سکالایێ ل دژی لژنەیا شەهیدان و قوربانیان و زیندانییێن سیاسی تۆمارکەین، ئەڤە پێشنیارەکە ل دژی تاکە مافێ ئێزدیان یێ کو د نەهـ سالێن دەربازبووی دا ب ئێزدیان هاتییەدان.

 

ئەوا پێدڤیە بزانی: ڕۆژا 4-2-2024، لژنەیا شەهیدان و قوربانیان و زیندانیێن سیاسی ل جڤاتا نوینەرێن عێراقێ پێشنیارەک دابوو سەرۆکاتیا جڤاتێ، ژ بۆ هەموارکرنا یاسایا رزگاربوویێن ئێزدی، د پێشنیارێ دا ئەڤ داخازیە هاتینە کرن؛

 

باکگراوند: ڕۆژا 1-3-2021، جڤاتا نوینەرێن عێراقێ ب پشتەڤانیا فراکسیۆنێن کوردستانی یاسایەک بناڤێ "ڕزگاربووێن ئێزدی" دەرکربوو، ئارمانج ژ ڤێ یاسایێ ژی ئەو بوو کو قەرەبوویا ڕزگاربوویێن دەستێ داعشێ بهێتە کرن، بڕیاربوو قوربانیێن  پێکهاتەیێن تورکمان و مەسیحی ژی ژ ڤێ یاسایێ مفاداربن و ڕۆژا 8-3-2021، سەرۆک کۆمارێ عێراقێ ئیمزا لسەر کر، ل دویڤ یاسایێ دێ هەر رزگاربوویەکا دەستێ داعشێ پەرچەیەکا عەردی وەرگریت دگەل دابینکرنا مووچەیەکێ چاڤدێریا جڤاکی ب بەردەوامی.