ئێکەتیا نڤیسەرێن کورد ل دهۆکێ: مە 335 پەرتووک بۆ نڤیسەرێن خۆ چاپ کرینە

ئاڤا نیوز

 

54 سالیا دامەزراندنا ئێکەتیا نڤیسەرێن کورد ل دهۆکێ ب چەند چالاکییان هاتە ساخکرن، سەرۆکێ لقێ دهۆکێ ژی ب ئامار بەحسا پشتەڤانیا نڤیسەران د وارێ چاپکرنێ دا دکەت.

 

بۆچی گرنگە: ئێکەتیا نڤیسەرێن کورد ڕۆلەکێ دیار د خزمەتکرنا نڤیسەر و کاروانێ ئەدەبی و ڕووناکبیریا کوردیدا هەیە، بوویە کۆمکەر و پالنەر و پشتەڤانەک بۆ نڤیسەران ل هەر چار پارچەیێن کوردستانێ بۆ چاپکرن و بەلاڤکرنا بەرهەمێن وان.

 

داخویانیا فەرمی: ئەڤرۆ 54 سالیا دامەزراندنا ئێکەتیا نڤیسەرێن کورد ل دهۆکێ هاتە ساخکرن، دەربارەی وێ چەندێ ژی حەسەن سلێڤانەی، سەرۆکێ ئێکەتیا نڤیسەرێن کورد تایێ دهۆک بۆ ئاڤا نیوز ڕاگەهاند، دێ بەردوام بن ژ پشتەڤانیکرنا نڤیسەران ب تایبەت  یێن دەڤەرا بەهدینان، ئەڤ ئێکەتیە بۆ خزمەتکرنا نڤیسەران هاتیە دامەزراندن.

 

ئەوا پێدڤیە بزانی: ئێکەتیا نڤیسەرێن کورد خودان تا و نڤیسینگەهە ل سەرانسەری کوردستانێ، تایێ دهۆکێ هەتا نوکە 301 پەرتووک بۆ ئەندامێن خۆ و 34 پەرتووک بۆ نڤیسەرێن نە ئەندام چاپ کرینە. گۆڤارەک هەیە بناڤێ پەیڤ و سالانە چار هژمار لێ دەردکەڤن ب پیتێن لاتینی و ئارامی، نڤیسەر بەرهەمێن خۆ تێدا بەلاڤ دکەن.