بەرپرسێکی باڵای ڕووسیا گەیشتە تاران

ئاڤا نیوز

 

سێرگی شۆیگۆ، سکرتێری گشتیی ئەنجوومەنی ئاسایشی نیشتمانیی ڕووسیا، بە سەردانێک گەیشتە تارانی پایتەختی ئێران.

 

وێنە گەورەکە: شۆیگۆ لەسەر بانگهێشتی عەلی ئەکبەر ئەحمەدیان، هاوتا ئێرانییەکەی و بە مەبەستی بەهێزکردنی پەیوەندییە دوولایەنەکان و بەدواداچوون بۆ بابەتە هەرێمی و نیودوڵەتییەکان لە تارانە.

 

زانیاریی زیاتر: بڕیارە سکرتێری گشتیی ئەنجوومەنی ئاسایشی نیشتمانیی ڕووسیا لەگەڵ گەورە بەرپرسانی ئێران چەند کۆبوونەوەیەک ئەنجام بدات. 

 

گۆشەیەکی دیکەی دیمەنەکە: ئەم سەردانەی بەرپرسانی ڕووسیا لەکاتێکدایە کە جیهان چاوەڕێی کاردانەوەی ئێرانە بەرامبەر بە کوژرانی ئیسماعیل هەنیە لە تاران کە بەڵێنی تۆڵەسەندنەوەی لە ئیسرائیل داوە.