بنکەی ئاسمانی عەین ئەسەد هێرشی مووشەکی کرایەسەر

ئاڤا نیوز

 

سەرچاوەیەكی ئەمنیی عێراق ڕایگەیاند، ئەمشەو هێرشكراوەتە سەر بنكەی سەربازیی عەین ئەسەد لە پارێزگای ئەنبار كە هێزەكانی هاوپەیمانی نێودەوڵەتیی بۆ شەڕی دژ بە داعشی تێدایە.

 

وێنە گەورەكە: لەكاردانەوەی بەردەوامی هێرشەكانی ئیسرائیل بۆسەر غەززە، گروپەكانی سەر بە مقاوەمەی عێراقی ناوەناوە بە مووشەك بنكەكانی ئەمریكا لە عێراق و سووریا دەكەنە ئامانج و بەرپرسیاریەتی خۆشیان لەبەرامبەر هێرشەكان رادەگەیێنن.

 

زانیاریی بەدەستهاتوو: سەرچاوەیەكی ئەمنیی عێراق بە ئاڤا نیوزی گوت: "ئەمشەو بنكەی عەین ئەسەد لە پارێزگای ئەنباری رۆژئاوای عێراق بە مووشەك كرایە ئامانج".

 

زانیاریی زیاتر: "ئۆتۆمبێلێك لە ناوچەی پیشەسازی قەزای حەدیسەی ئەنبار دوو مووشەكی ئاڕاستەی بنكەی عەین ئەسەد كردووە"، بەرپرسە ئەمنییەكە لەبارەی ڕووداوەكە وای گوت.