نۆ ئافرەت لە هەڵەبجە پۆستیان هەیە

ئاڤا نیوز

لە پارێزگای هەڵەبجە نۆ ئافرەت پۆستی باڵایان بەدەستەوەیە، ئەمڕۆ لەمەراسیمێكدا و بەئامادەبوونی یەکەئیداریەکانی پارێزگای هەڵەبجە دڵنیا فاروق بوو بەبەڕێوەبەری گشتی ڤێتەرنەری پارێزگای هەڵەبجە.

وێنە گەورەكە: جگە لەو پۆستەباڵایانە ژمارەیەکی زۆر لەفەرمانگە و بەڕێوەبەری قوتابخانەکان لەپارێزگای هەڵەبجە ئافرەت بەڕێوەیان دەبات، ئەوەش لەسنووری پارێزگاکەدا بووە بەنەریتێکی کارگێڕی.

لێدوانی فەرمی: دڵنیا فاروق، بەڕێوەبەری گشتی ڤێتەرنەری پارێزگای هەڵەبجە بەئاڤا نیوزی گوت:" وەرگرتنی پۆستە نوێکەم لەسەربنەمای پیشەکەم بوو کەپزیشکی ڤێتەرنەریم، پێشتر سەرۆکی لیژنە هاوبەشەکانی قایمقامیەت و بەرپرسی بەشی هۆبەی کوشتارگەبووم".

باکگراوند: بۆ یەکەمجار لەساڵی 1905عادیلەخانی خێزانی وەسمان پاشای جاف، لەدوای بەساڵاچوونی هاوژینەکەی فەرمانڕەوایی هەڵەبجەی کردووە، لەلایەن ئینگلیزەکانەوە نازناوی شاژنی بێتاجی لێنراوە.