ئەکسیۆس: ترەمپ کار لەسەر 'پلانی 28 خاڵی' پەیوەست بە ڕووسیا و ئۆکرانیا دەکات

ئاڤا نیوز

سەرچاوەیەکی ئەمریکی ئاشكرای دەکات، واشنتن بە نهێنی کار لەسەر پلانێکی نوێ دەکات بەناوی (پلانی 28 خاڵی) کە ئامانج لێی کۆتاییهێنانە بە شەڕی ڕووسیا و ئۆکرانیا.

 

بڵاوکراوەی فەرمی: ماڵپەری ئەکسیۆسی ئەمریکی لە زاری بەرپرسانی ئەمریکا و ڕووسیاوە بڵاوی کردووەتەوە، ئیدارەی دۆناڵد ترەمپ، سەرۆکی ئەمریکا "لەگەڵ ڕووسیا کار دەکات بۆ داڕشتنی پلانێک بۆ کۆتاییهێنان بە شەڕی ئۆکراینا، پلانەکە لە 28 خاڵ پێکهاتووە، تیایدا جەخت لە ئاشتی لە ئۆکرانیا، گەرەنتی ئاسایش، ئاسایش لە ئەوروپا و پەیوەندییەکانی داهاتووی ئەمریکا لەگەڵ ڕووسیا و ئۆکراینا دەکاتەوە''.

 

زانیاریی زیاتر: لە ڕاپۆرتەکەدا هاتووە، هەڵوێستی ئۆکرانیا و هاوپەیمانانی ئەوروپا سەبارەت بە پلانی کۆتاییهێنان بە شەڕەکە هێشتا ڕوون نییە، بەڵام مۆسکۆ گەشبینە بە پلانە نوێیەکەی بۆ  کۆتاییهێنان بە شەڕەکە.