سوپای ئیسرائیل بۆردوومانی باشووری لوبنان دەكات

ئاڤا نیوز 

لەكاتێكدا ئیسرائیل چاوەرێی هێرشی ئێرانە بۆ سەر وڵاتەكەی، سوپای ئیسرائیل لە ناوچەی کفر کیلای باشووری لوبنان ژێرخانی حیزبوڵڵای بۆردوومان کرد.

ئەوەی ئێستا ڕوودەدات: هێرشی تۆڵەسەندنەوەی ئێران بۆ سەر ئیسرائیل چەند ڕۆژێکە جیهانی بەخۆیەوە سەرقاڵ کردووە، ئێستا جگە لە هێرشی ئێران پێشبینی هێرشی پێشوەختەی ئیسرائیل دەکرێت.

ڕاگەیێنراوی فەرمی: سوپای ئیسرائیل ڕایگەیاند: ژێرخانی حیزبوڵڵای لوبنانمان لە باشووری لوبنان بۆردوومانکرد، بە لەبەرچاوگرتنی پێشهاتەکانی ئەمدواییە، هیچ گۆڕانکارییەک لە ڕێنماییەکانی فەرماندەیی بەرەی ناوخۆدا نییە."

وێنە گەورەکە: ڕۆژهەڵاتی ناوەڕاست ڕووبەڕووی مەترسی فراوانبوونی بازنەی ململانێکان دەبێتەوە، دوای کوشتنی ئیسماعیل هەنییە سەرۆکی مەکتەبی سیاسی حەماس لە تاران و فوئاد شوکر، یەكێك لە فەرماندەكانی حیزبوڵڵای لوبنان لە بەیرووت.