کامالا هاریس کەسێک وەک جێگری خۆی دەستنیشان دەکات

ئاڤا نیوز

کامالا هاریس، بەربژێری دیموکراتەکان بۆ سەرۆکایەتیی ئەمریکا، تیم وۆڵزی وەک جێگری خۆی دەستنیشانکرد و بایدنیش بە کارێکی گونجاوی دەزانێت.

 

وێنە گەورەکە؛ دوای ئەوەی جۆ بایدن لە کێبڕکێی پۆستی سەرۆکایەتیی ئەمریکا کشایەوە، کەمالا هاریسی جێگرەکەی وەک بەربژێری دیموکراتەکان دەستنیشانکرا، هاریسیش تیم وۆڵزی پارێزگاری ویلایەتی مینیسۆتای وەک جێگری داهاتووی سەرۆکی ئەمریکا دیاریکرد. ئەمە لە کاتێکدا ئەگەر توانی کورسی سەرۆکایەتیی لە بەرامبەر دۆناڵد ترەمپی ڕکابەری بۆ پارتەکەی بباتەوە. 

 

لێدوانی فەرمی: بایدن لە ئێکس نووسیویەتی: هەڵبژاردنی تیم وۆڵز لەلایەن کامالا هاریسەوە، وەک بەربژێری جێگری سەرۆکایەتیی، "بڕیارێکی نایاب و ناوازەیە".

 

لەلایەکی دیکەوە: هاریس گوتی: شانازی دەکات بەوەی وۆڵزی وەک بەربژێری خۆی هەڵبژاردووە و " بوونی ئەو لە نێو تیمەکەدا دڵخۆشکەرە".

 

ئەوەی لە بارەیەوە دەگوترێت: بایدن پێیوایە، تیم ۆوڵز  "توندترین بەرگریکاری ئازادییە تاکەکەسییەکان و دیموکراسی دەبێت"، بایدن دەشڵێت، جێگرەکەی کامالا دەنگێکی بەهێز دەبێت بۆ خەڵکی کرێکار و چینی ناوەڕاستی ئەمریکا.