وڵاتانی جیهان داوای هێورکردنەوەی ڕەوشی ڕۆژهەڵاتی ناوەڕاست دەکەن

ئاڤا نیوز

 

لە چاوەڕوانی هێرشی تۆڵەی ئێران بۆ سەر ئیسرائیل لە دوای کوژرانی ئیسماعیل هەنیە، سەرۆکی مەکتەبی مەکتەبی سیاسیی بزووتنەوەی حەماس، وڵاتانی ناوچەکە هەوڵی ڕێگری لە هەڵگیرسانی شەڕێکی ناوچەیی دەدەن.

 
وێنە گەورەکە: ئیسرائیل هەڕەشەی بەردەوامە لە هێرشەکانی بۆ سەر لوبنان، بەڵام دوای ئەوەی ئیسماعیل هەنیە، سەرۆکی مەکتەبی سیاسیی بزووتنەوەی حەماس لە تاران کوژرا،  ئێران و حیزبوڵڵا ئیسرائیلیان تۆمەتبار کرد و تۆڵەی خوێنی هەنیە بە ئەرکی خۆیان دەزانن، ئەمەش وایکرد گرژییەکان خێراتر پەرەبسێنن.

 

ئەوەی ئێستا ڕوودەدات: ئێران و حیزبوڵڵا و حەماس چەند ڕۆژێکە هەڕەشەی تۆڵەسەندنەوەی خوێنی هەنیە دەکەن، ئەمریکای پشتیوانی ئیسرائیل لەلایەک و میسڕ، قەتەر و ئوردن لەلایەکی دیکە داوای هێورکردنەوەی دۆخەکە دەکەن.

 

لێدوانی فەرمی: ئەنتۆنی بلینکن، وەزیری دەرەوەی ئەمریکا دەڵێت: کەس نابێت ئەم ململانێیە پەرەپێبدات، ئێمە لە ڕێگەی وڵاتانی نێوەندگیر ئەم پەیامەمان بۆ ئێران ناردووە، خۆشمان ڕاستەوخۆ ئەمەمان بە ئیسرائیل گووتوە.