بەنگلادیش سەرۆکێکی کاتی بۆ وڵاتەکەی دەستنیشان دەکات

ئاڤا نیوز

 

محەممەد یونس حائز، خاوەنی خەڵاتی نۆبڵی ئاشتی وەک سەرۆکی کاتی حکومەتی بەنگلادیش دەستنیشانکرا، دوای دەستلەکارکێشانەوەی شێخە حەسینە، سەرۆکوەزیرانی بەنگلادیش، دەستی لە کارکێشایەوە و هەڵات.

 

وێنە گەورەکە: دوای تێکچوونی دۆخی بەنگلادیش بەهۆی بەرزبوونەوەی ناڕەزایەتییەکان و دەستلەکارکێشانەوەی سەرۆکوەزیرانی پێشوو، سەرکردەکانی ناڕەزایەتیی قوتابییان و بەرپرسانی سێ بەشی سەربازیی وڵات و ئەندامانی کۆمەڵگەی مەدەنی و هەروەها بەشێک لە سەرکردە بازرگانییەکان، درەنگانی ڕۆژی سێشەممە بۆ ماوەی زیاتر لە پێنج کاتژمێر لەگەڵ سەرۆککۆمار کۆبوونەوە بۆ بڕیاردان لەسەر ئیدارەی کاتی. 

 

زانیاریی زیاتر: دوای کۆبوونەوەکەدا محەممەد یونس حائز، خاوەنی خەڵاتی نۆبڵی ئاشتی وەک سەرۆکی کاتی حکومەتی بەنگلادیش دەستنیشان کرا.

 

چی ڕووی دا: لە چەند ڕۆژی ڕابردوودا، خەلکی بەنگلادیش لە دژی حکومەتەکەیان خۆپێشاندانێکی گەورەیان ڕێکخست و بە هەزاران خۆپێشاندەر هەڵیانکوتایە سەر کۆشکی سەرۆکوەزیران لە دەکای پایتەخت، شێخە حەسینە، سەرۆکوەزیرانی ئەو وڵاتە کە لە ساڵی 2009ـەوە ئەو پۆستە بەڕێوەدەبات، دەستی لەکارکێشایەوە و بە هێلیکۆپەتەرێکی سەربازی، بەنگلادیشی بەجێهێشتوو بەرەو هیندستان هەڵاتووە.

 

قووڵتر: خوێناویترین ڕۆژی خۆپێشاندانەکە ڕۆژی 04-08-2024 بوو کە تێیدا 94 خۆپێشاندەر و نزیکەی 14 پۆلیسی کوژران، بەوەش کۆی ئەو کەسانەی لە خۆپیشاندانەکەوە کوژران گەیشتە 300 کەس.