پارێزگاری هەولێر: 20 ملیار دینار بۆ چارەسەری کێشەی کەمئاویی هەولێر خەرجکراوە

ئاڤا نیوز 

 

پارێزگاری هەولێر ئاماژە بەوە دەدات، کارکردن لە پڕۆژەی ئاوی  ئیفراز سێ لە هەنگاوەکانی کۆتاییدایە و بەهۆیەوە 60 هەزار مەتر سێجا ئاوی خواردنەوە زیاد دەبێت و ئێوارەی ئەمڕۆ ئاو دەگاتەوە ماڵان.

 

ئەوەی پێویستە بیزانیت: دوای 40 کاتژمێر کارکردن لە پڕۆژەی ئاوی ئیفراز سێی هەولێر كە ئاوی نزیكەی 40%ـی گەڕەكەكانی هەولێر دابین دەكات، ئێوارەی ئەمڕۆ جارێكی دیكە بەردانەوەی ئاو دەستپێدەکاتەوە.

 

لێدوانی فەرمی: ئومێد خۆشناو، پارێزگاری هەولێر ڕایگەیاند، "%25ـی بیرەکان وشک بوون، ناچارین پشت بە ئاوی سەرزەوی ببەستین، بۆ ئەو مەبەستەش 20 ملیار دینار بۆ کێشەی کەمئاوی خەرج کراوە".

 

زانیاریی زیاتر: دامەزراوەکانی حکومەتی عێراق بەربەستن لەبەردەم جێبەجێکردنی پڕۆژەی ئاوی ئیفراز چوار و پڕۆژەی دیکەی ئاوی سەرزەوی لەلایەن کۆمپانیا سعودییەکان و چاوەڕێی ڕەزامەندی دەکەین، بۆ جێبەجێکردنی پڕۆژەکان.
پارێزگاری هەولێر وایگوت.