یانەی نەورۆز داهاتی یارییەکەی بەرامبەر یانەی گەرمە دەبەخشێتە ڕۆژئاوای کوردستان

هەواڵ
1 کاتژمێر لەمەوپێش

شەیری بکە لە:

ئاڤا نیوز

یانەی نەورۆز لە یاری ئەمڕۆی بەرامبەر بە یانەی گەرمە و بە مەبەستی پاڵپشتی بۆ ڕۆژئاوای کوردستان، یاریگەکەی بە ئاڵای کوردستان دەڕازێنێتەوە و داهاتی یارییەکەش بۆ ڕۆژئاوای کوردستان دەنێرێت.

چیرۆکی سەرەکی: ئەمڕۆ سێشەممە، لە گەڕی 15ـی خولی ئەستێرەکانی عێراق، یانەی نەورۆز لە یاریگەی خۆی لە شاری سلێمانی میوانداریی یانەی گەرمە دەکات. بەر لە دەسپێکردنی یارییەکە، بە هەزاران هاندەر بە ئاڵای کوردستان چوونەتە ژوورەوە و دروشمی (یەکە، یەکە، گەلی کورد هەمووی یەکە) و (ڕۆژئاوا، ڕۆژهەڵاتە، کوردستان یەک وڵاتە) دەڵێنەوە.

ڕاگەیێنراوی فەرمی: یانەی نەورۆز، لە پێگەی تایبەتی خۆی لە تۆڕی کۆمەڵایەتی فەیسبووک رایگەیاند: هەموو داهاتی یارییەکە بۆ رۆژئاوای کوردستان دەبێت و داوا لە هاندەران دەکات لە یاریگە ئامادەبن بۆ پاڵپشتیکردن لە یانەکە و رۆژئاوای کوردستان.

ئەمەش بزانە: بۆ هەر کورسییەکی نێو یاریگە، ئاڵایەکی کوردستان دانراوە، وەک پاڵپشتییەک بۆ ڕۆژئاوای کوردستان.

باکگراوند: یانەی نەورۆز، لە یاری ڕابردووی بەرامبەر بە یانەی کەرخی شاری بەغدا یارییەکەی دۆڕاندبوو، لەم یارییەدا دەیەوێت سوود لە یاریگە و هاندەرانی وەربگرێت و یارییەکە بباتەوە، بۆئەوەی قەربووی دۆڕانەکەی بکاتەوە.