پڕۆسەی گەڕاندنەوەی فۆڕمی وەرگرتنی زەوی دەستیپێکرد

ئاڤا نیوز 

 

پڕۆسەی گەڕاندنەوەی فۆڕمی وەرگرتنی زەوی دەستیپێکرد و دوای وردبینی لە وەزارەتە پەیوەستەکانەوە بۆ وەرگرتنی ڕەزامەندی ئاراستەی ئەنجوومەنی وەزیران دەکرێت.

 

لێدوانی فەرمی: سەربەست مەولوود، بەڕێوەبەری گشتیی کاروباری یاسایی لە وەزارەتی شارەوانی بە ئاڤا نیوزی گوت، "بەڕێوەبەرایەتیی گشتیی شارەوانییەکان ئاگادارکراونەتەوە کە ئامادەسازی پێشوەختە بکەن بۆ دابینکردنی شوێن بۆ پێدانی زەوی، هەر بەڕێوەبەرایەتیەک زیاتر لە 50 هەزار پارچە زەوی تەرخانکردووە بۆ ئەوەی ئەگەر ڕێژەی داواکاری لە 200 هەزار کەس زیاتر بێت و مەرجەکانیان تێدابێت، پێیان بدرێت.

 

هەنگاوی دواتر: دوای ڕەزامەندی ئەنجوومەنی وەزیران، فۆڕمەکان ئاراستەی وەزارەتی شارەوانی دەکرێت و پڕۆسەی دابەشکردنی زەوی دەستپێدەکات.

 

ئەوەی پێویستە بیزانیت: دوای 18 ساڵ، بەبڕیاری سەرۆکوەزیران بارزانی پڕۆسەی دابەشکردنی زەوی دەستیپێکردەوە، هەر فەرمانبەرێک یان خانەنشینێک بە درێژایی ڕاژەکەی زەوی وەرنەگرتبێت سوودمەند دەبێت.