دوو پرۆژه‌ی جیاواز له ‌هه‌ردوو حكومه‌تی عێراق و هه‌رێمی كوردستانه‌وه‌ بۆ كه‌سوكاری شه‌هیدان

ئاڤا نیوز

حكومه‌تی عێراق کەسوکاری شەهیدان لە باجی گومرگ و تابلۆی تۆماری هاوردەکردنی ئۆتۆمبێل ده‌به‌خشێت، حكومه‌تی هه‌رێمی كوردستانیش پڕۆژه‌یه‌كی سوودمه‌نتری ئاماده‌كردووه‌ بۆ كه‌سوكاری شه‌هیدان و ئه‌نفالكراوان و زیندانییانی سیاسی.

نووسراوی فەرمی: بەپێی نووسراوی فەرمی نووسینگه‌ی سەرۆکوەزیرانی عێراق محەممەد شیاع سوودانی، بۆ یەکەمجار سه‌رجه‌م کەسوکاری شەهیدان لە باجی گومرگی ئۆتۆمبێلێكی هاورده‌ ده‌به‌خشرێن و تابلۆیه‌كی تۆماری ئۆتۆمبێله‌كه‌ش به‌خۆڕایی وه‌رده‌گرن.

له‌ لایه‌كی دیكه‌وه: وەزارەتی شەهیدان و ئەنفالکراوانی حکومەتی هەرێمی کوردستان له‌گه‌ڵ كۆمپانیای ساز ڕێككه‌وتنێكی ئه‌نجامداوه‌ بۆ پێدانی ئۆتۆمبێل به‌ كه‌سوكاری شه‌هیدان و ئه‌نفالكراوانی هه‌رێمی كوردستان بەداشکانێکی تایبەت و كۆمه‌ڵێك خزمه‌تگوزاریه‌وه‌ ,  پاش ئه‌وه‌ی لە 21-4-2024 پڕۆژەیه‌كی په‌سه‌ند كرد بۆ زیاتر خزمه‌تكردنی كه‌سوكاری شه‌هیدان و ئه‌نفالكراوانی هه‌رێمی كوردستان.

لێدوانی فەرمی: ئه‌حمه‌دی مام ره‌سوڵ، به‌ڕێوه‌به‌ری گشتی خزمەتگوزارییەکانی وه‌زاره‌تی شه‌هیدان و ئه‌نفالكراوانی هه‌رێمی كوردستان به‌ئاڤا نیوزی گوت: لەگەڵ کۆمپانیای تۆیوتا کۆبوونەوەیەکی گرنگمان ئەنجامدا بۆئەوەی لەگەڵ داشکاندن لەنرخی ئۆتومبێلەکان خزمەتگوزارییەکانی دوای فرۆشتن بو ماوه‌ی دوو ساڵ بەخۆڕایی بێت. 

زانیاریی زیاتر: دوای ڕێككه‌وتنی كۆتایی له‌گه‌ڵ كۆمپانیای ناوبراو، نوسراوێکی فەرمی ئاراستەی حکومەتی هەرێمی کوردستان دەکەین کە سه‌رجه‌م کەسوکاری شەهیدان و ئەنفالکراوان و زیندانیانی سیاسیی لە باجی گومرگ و تابلۆی تۆماری هاوردەکردنی ئۆتۆمبێله‌كه‌ ببه‌خشرێن.
 ئه‌حمه‌دی مام ڕه‌سوڵ ئه‌مه‌شی گوت.