سەرۆکوەزیران بارزانی: داوایەکی ڕەوامان بۆ بڕیاردان لە مافی چارەی خۆنووسین هەیە

ئاڤا نیوز

 

سەرۆکوەزیران بارزانی لەبارەی هەرێمی کوردستانەوە ڕایگەیاند، هەرگیز نەبووەتە هەڕەشە بۆ سەر هیچ لایەنێک و بۆ مافی چارەی خۆنووسین داوایەکی ڕەوامان هەیە.

چیرۆکی سەرەکی: سەرۆکوەزیران بارزانی لە لووتکەی جیهانیی حکومەتەکان لە دوبەی، بە ئینگلیزی گوتارێکی پێشکەشکرد و لەبارەی پرسی فەڵەستینەوە گوتی: "دەکرێت هەمان پێناسە بۆ گەلی کوردیش بکرێت؛ ئێمەش داوایەکی ڕەوامان هەیە بۆ بڕیاردان لە مافی چارەی خۆنووسین، دۆست و هاوپەیمانەکانمان دانیان بەو مافەدا ناوەم، بەڵام لە هەمانکاتدا پێمان دەڵێن، زەرورەتە سیاسییەکان کۆسپ دەخەنە بەردەم هاوکارییەکانیان و رێگرن لەبەردەم دادپەروەری مێژووییدا".

 

گوتیشی: "بەهۆی هەڵوێستەکانمان باجێکی زۆر دەدەین، بەبێ پاساو کراوینەتە ئامانج، دەبێت ئەم شەڕانگێزییە ڕابگیرێت، چونکە کوردستان هەرگیز نەبووەتە هەڕەشە بۆ سەر هیچ لایەنێک و هەمیشە فاکتەری ئاشتی بووە. نابێت کۆمەڵگەی نێودەوڵەتی بەرامبەر سەرچاوەی هەڕەشەکان نەرمی بنوێنێت".

 

زانیاریی زیاتر: ئەمڕۆ دووشەممە یانزەیەمین لووتکەی جیهانیی حکومەتەکان لە شاری دوبەی ئیمارات بە ناونیشانی "نەخشاندنی داهاتووی حکومەتەکان" دەستیپێکرد و تاوەکو 14ـی مانگ بەردەوام دەبێت.